EDK CDIP CDPE CDEP
EDK CDIP CDPE CDEP

Structuras chantunalas da scola

Scola obligatorica e stgalim secundar II en ils chantuns
2020/2021

Las preschentaziuns qua sutvart sa basan sin la grafica dal sistem da furmaziun da la Svizra. Ellas mussan las furmas organisatoricas da la scola obligatorica e las purschidas da furmaziun dal stgalim secundar II en ils chantuns. Las preschentaziuns èn vegnidas realisadas en collavuraziun cun ils departaments chantunals d'educaziun respectivamain da furmaziun.

Furmas organisatoricas da la scola obligatorica: La responsabladad per la scola obligatorica han ils chantuns. Da las preschentaziuns vesais Vus, co ch'èn organisads en ils chantuns il stgalim primar (incl. scolina u stgalim d'entrada), il stgalim secundar I (dumber da partiziuns/classas e lur designaziuns) sco er las purschidas da la pedagogia speziala.
Ina descripziun da la scola obligatorica en Svizra chattais Vus qua.

Purschidas da furmaziun dal stgalim secundar II:: La concepziun da las purschidas da furmaziun sin il stgalim secundar II sa basa per regla sin decrets dal dretg federal u interchantunals. Ils chantuns èn cumpetents per l'execuziun e per la direcziun. La cumpilaziun mussa, tge purschidas da furmaziun ch'existan en in chantun sin il stgalim secundar II.

Tut las preschentaziuns vegnan messas en relaziun cun il ISCED (International Standard Classification of Education). Quai permetta da preschentar en ina moda internaziunalmain cumparegliabla ils stgalims da furmaziun stgalim primar incl. scolina u stgalim d’entrada (ISCED 020 ed 1), stgalim secundar I (ISCED 2) sco er stgalim secundar II cun ils programs da furmaziun generala (ISCED 34) e cun ils programs da furmaziun professiunala (ISCED 35). Ina survista da tut ils otg stgalims ISCED chattais Vus qua

Cliccai sin in chantun per chattar la pagina correspundenta.
Cliccai qua, sche Vus vulais selecziunar tut las preschentaziuns graficas en ina.

Schweiz
GLTISZZGUROWFRGRSGARAIAITGZHSHAGNWLUOWVSVDGENEBESOBLBSSOJU